ფელიპე მასას კარტინგის ოლიმპიური თამაშების ნაწილად გარდაქმნა სურს
ფორმულა 1-ის ყოფილ პილოტს, 2008 წლის მსოფლიოს ვიცე-ჩემპიონს, ბრაზილიელ ფელიპე მასას კარტინგის ოლიმპიურ სახეობად გარდაქმნა სურს.
მასა გეგმავს, რომ სპორტის ეს ტექნიკური სახეობა ბუენოს აირესის ზაფხულის ახალგაზრდულ ოლიმპიურ თამაშებზე წარადგინოს, რომელსაც არგენტინის დედაქალაქი 6-18 ოქტომბერს უმასპინძლებს.
ბრაზილიელს მიაჩნია, რომ ელექტრო კარტები თავისი განვითარების დასაწყისშია და შეუძლია გარდაიქმნას სერიოზულ სარბოლო დისციპლინად.
