დებიუტი ლა ლიგის კლუბში - 19 წლის ქართველმა ''ჟირონაში'' ითამაშა
ესპანური ''ჟირონას'' 19 წლის ფეხბურთელმა გიორგი ქოჩორაშვილმა პირველ გუნდში სადებიუტო შეხვედრა ჩაატარა. მიუხედავად იმისა, რომ ''საბადელთან'' მოგებული მატჩი ამხანაგური იყო, ''საბურთალოს'' ყოფილი ნახევარმცველისთვის პირველ გუნდში გამოსვლა ძალიან მნიშვნელოვანია.
Onze del Girona a la Nova Creu Alta#GironaFC #OrgullGironí pic.twitter.com/NavBGUR6uC
— Girona FC (@GironaFC) August 2, 2018
საქართველოს 19 წლამდე ნაკრების კაპიტანმა ''საბადელის'' წინააღმდეგ სასტარტო შემადგენლობაში ითამაშა. მან მოედანზე 65 წუთი გაატარა. მასთან ერთად სასტარტო შემადგენლობაში გორკა ირაისოსი, კარლეს პლანასი, ალეიშ გარსია და პედრო პორო მოხვდნენ. ''ჟირონამ'' 1:0 დაამარცხა ''საბადელი''.
El Girona guanya a Sabadell i aconsegueix la tercera victòria consecutiva de la pretemporada. ✌️
— Girona FC (@GironaFC) August 2, 2018
???? La propera cita; dissabte a les 20h. a Montilivi. Partidàs contra el Tottenham Hotspur. No hi falteu!
???? + info https://t.co/7U2FTdOw26#GironaFC #OrgullGironí pic.twitter.com/3SAT9bfEaL
2017 წლის ზაფხულში საქართველოში ევროპის 19 წლამდე ჩემპიონატის ფინალური ეტაპი გაიმართა. აღნიშნულ ტურნირზე გიორგი ყიფიანის გუნდის შემადგენლობაში ქოჩორაშვილმა თავი კარგად წარმოაჩინა და ესპანური გუნდის ყურადღება დაიმსახურა. გასული სეზონი ქოჩორაშვილმა ''ჟირონას'' 19 წლამდე გუნდში გაატარა.
4 აგვისტოს ''ჟირონა'' მაურისიო პოჩეტინოს გაწვრთნილ ''ტოტენჰემს'' შეხვდება. როგორც ფეხბურთელმა crystalsport-თან საუბარში აღნიშნა, შესაძლოა ლონდონური გუნდის წინააღმდეგაც ითამაშოს.
''ჟირონამ'' გასულ სეზონში ლა ლიგაში მე-10 ადგილი დაიკავა.