18 წლამდე გოგონათა ნაკრები ევროპის ჩემპიონატზე საასპარეზოდ ავსტრიაში გაემგზავრა

საქართველოს 18 წლამდე გოგონათა ნაკრები ევროპის ჩემპიონატზე სათამაშოდ ავსტრიაში გაემგზავრა. ნინო ყიფშიძისა და ზვიად დიდბარიძის გაწვრთნილი ნაკრები უკვე მეორე სეზონია, ევროპის ჩემპიონატის B დივიზიონში ასპარეზობს. 2017 წელს ქართველმა გოგონებმა რანგით მეორე დივიზიონში ადგილი შეინარჩუნეს.

წლეულს B დივიზიონს 3-დან 12 აგვისტოს ჩათვლით ავსტრიის ქალაქები – ობერვარტი, ფიურსტენფილდი და გუსინგი უმასპინძლებენ. ტურნირში მთლიანობაში 24 ნაკრები იასპარეზებს, რომლებიც 4 ჯგუფში არიან განაწილებულნი. საქართველოს ნაკრები A ჯგუფში – ფინეთთან, რუმინეთთან, პორტუგალიასთან, კვიპროსთან და ისლანდიასთან მოხვდა. ჯგუფიდან პლეი ოფში  2 საუკეთესო გუნდი იასპარეზებს.   

3 აგვისტო       რუმინეთი – საქართველო                 22:15
4 აგვისტო       საქართველო – ისლანდია                 22:15
5 აგვისტო       ფინეთი – საქართველო                      20:00
7 აგვისტო       საქართველო – პორტუგალია           17:45
8 აგვისტო       კვიპროსი – საქართველო                   22:15