თორნიკე შენგელია "ბასკონიასთან" მეგა კონტრაქტს გააფორმებს

Eurohoops-ის ინფორმაციით თორნიკე შენგელია და „ბასკონია“ ახალ კონტრაქტზე შეთანხმდნენ, რომლის მიხედვითაც თოკო გუნდში 2022 წლამდე დარჩება. ქართველ მძიმე ფორვარდს მოქმედი ხელშეკრულება გუნდთან 2020-მდე აკავშირებდა, გამოცემის ცნობით მხარეებმა კონტრაქტს 2 წელი დაუმატეს და ქართველ კალათბურთელს მკვეთრად გაუმჯობესებული პირობები შესთავაზეს. 

ზუსტი დეტალები ჯერჯერობით არ ხმაურდება მაგრამ Eurohoops-ის მიხედვით შენგელია „ბასკონიასთან“ მეგა კონტრაქტს გააფორმებს და როგორც გუნდის ისტორიაში ასევე „ევროლიგის“ მასშტაბით ერთ-ერთი ყველაზე მაღალანაზღაურებადი კალათბურთელი გახდება.

თოკო „ბასკონიაში“ 2014-ში გადავიდა და გასულ სეზონში „ევროლიგის“ და ესპანეთის ჩემპიონატის სიმბოლურ ხუთეულში მოხვდა.

„ევროლიგაში“ ჩატარებულ 33 შეხვედრაში 26 წლის შენგელია საშუალოდ 13.7 ქულას, 6.6 მოხსნას და 2.2 გადაცემას აგროვებდა.