რიკი რუბიოს ოთხმაგ დუბლამდე ძალიან ცოტა დააკლდა
"მინესოტა ტიმბერვულვზის" გამთამაშებელი რიკი რუბიო "ნიუ იორკთან" შეხვედრაში ახლოს იყო ისტორიულ შედეგთან. ესპანელმა 34 წუთში 9 ქულა, 10 მოხსნა, 12 შედეგიანი პასი და 8 ჩაჭრა დააგროვა და შესაბამისად, ერთი ქულა და ორი ჩაჭრა დააკლდა ოთხმაგ დუბლამდე.
ცნობისთვის, ეროვნული საკალათბურთო ასოციაციის ისტორიაში მხოლოდ ოთხ კალათბურთელს აქვს შესრულებული კვადრუპ დაბლი: ნეიტ ტერმონდს, ელვინ რობერტსონს, ჰაკიმ ოლაჟუონსა და დევიდ რობინსონს.
