ბასილაშვილმა ჰალეში პირველი მატჩი მოიგო
ქართველი ჩოგბურთელი, ნიკოლოზ ბასილაშვილი, ჰალეში იმყოფება და იქაური ტურნირის საკვალიფიკაციო ეტაპის გათამაშებაში ჩაერთო.
ნიკოლოზის პირველი მოწინააღმდეგე, შვედი, ელიას იმერი გახლდათ, რომელსაც მან ზუსტად 1 საათს გაგრძელებულ შეხვედრაში, 6:4; 6:3 აჯობა.
ქართველმა პირველსავე გეიმში ბრეიკი შეასრულა, შემდეგ კი სეტის დახურვა დიდად აღარ გასჭირვებია. მეორე პარტიაში კი კიდევ უფრო დამაჯერებლად გამოიყურებოდა და 2 ბრეიკით იმარჯვა.
საკვალიფიკაციო ეტაპის გადამწყვეტ შეხვედრაში, ბასილაშვილის მეტოქე გუიდო პელა ან დენის კუდლა იქნება.