15 სექტემბერი! გენადი გოლოვკინი VS კანელო ალვარესი
საშუალო წონითი კატეგორიის მსოფლიო ჩემპიონმა გენადი გოლოვკინმა და საყოველთაოდ ცნობილმა კანელო ალვარესმა შეთანხმებას მიაღწიეს და გულშემატკივრებისთვის ოცნებად ქცეული ორთაბრძოლა 15 სექტემბერს, ლას ვეგასში, T-Mobile-ის ცენტრში გაიმართება.
აღსანიშნავია, რომ ქომაგთა საბედნიეროდ ყველაფერი კარგად დასრულდა, თუმცა შეთანხმების მიღწევა ადვილი ნამდვილად არ ყოფილა. დედლაინამდე ორი საათით ადრე, კანელოს პრომოუტერმა, ESPN-თან საუბრისას განაცხადა, რომ არანაირი ბრძოლა არ შედგებოდა, მაგრამ რამდენიმე საათში „ტვიტერზე“ პოსტი გამოაქვეყნა, სადაც ქომაგებს მიღწეული შეთანხმება ახარა.
„მოხარული ვარ გაცნობოთ, რომ 15 სექტემბერს კანელოსა და გოლოვკინის დაპირისპირებას ვიხილავთ“.
I’m happy to inform that we have a fight September 15!!!! #CaneloGGG2
— Oscar De La Hoya (@OscarDeLaHoya) June 13, 2018
Feliz De informar que si tenemos pelea Septiembre 15!!! #CaneloGGG2 pic.twitter.com/gI3QmR0eXe
ხელშეკრულების დეტალები ჯერჯერობით უცნობია, საინტერესოა, რომ ოსკარ დე ლა ჰოიამ, ESPN-თან საუბრისას აღნიშნა, რომ ბრძოლა ასი პროცენტით გადაიდებოდა, თუმცა რამდენიმე წუთის შემდეგ მისმა წარმომადგენლებმა დარეკეს და ამერიკულ გამოცემას წარმატების შესახებ ამცნეს. გოლოვკინის პრიორიტეტი კანელოსთან ბრძოლა იყო, თუმცა ყაზახი მოკრივე ბილი ჯო სანდერსის კანდიდატურასაც განიხილებოდა.
შეგახსენებთ, რომ ორთაბრძოლა მაისში უნდა ჩატარებულიყო, თუმცა მატჩი კანელოს ნარკოტიკებთან დაკავშირებული პრობლემების გამო ჩაიშალა. მექსიკელის სისხლში აკრძალული პრეპარატი აღმოაჩინეს, ალვარესმა ყველაფერი უარყო და განაცხადა, რომ იგი სხეულში ხორცის ჭამის შედეგად მოხვდა. მიუხედავად ამისა კრივის ასოციაციამ კანელოს 6 თვიანი დისკვალიფიკაცია მისცა.
