"მონაკოსთან" შეთანხმება მიღწეულია - ლემარი "ატლეტიკოში" ითამაშებს
მადრიდის "ატლეტიკომ" ზაფხულის პირველი ტრანსფერი შეათანხმა.
"როხიბლანკოს" twitter-ის ოფიციალური გვერდი წერს, რომ მხარეებმა პრინციპულ შეთანხმებას მიაღწიეს.
???? Principio de acuerdo con el @AS_Monaco_ES para el traspaso de Thomas Lemar
— Atlético de Madrid (@Atleti) June 12, 2018
???? https://t.co/0eEHxQKJIV#AúpaAtleti pic.twitter.com/G72rjIu2Kv
ინფორმაციას Marca-ც ადასტურებს. 22 წლის ფრანგი ნახევარმცველი მადრიდელებს მსოფლიო ჩემპიონატის შემდეგ შეუერთდება და 5 წლიან კონტრაქტს გააფორმებს.
ჯერჯერობით უცნობია, თუ რამდენის გადახდა მოუწევს "ატლეტიკოს" ლემარის სანაცვლოდ.
ტომას ლემარის შეძენით "ბარსელონა", "არსენალი", "ლივერპული" და "იუვენტუსი" ინეტრესდებოდნენ, თუმცა "ინდიელებმა" ყველას აჯობეს.
წყაროს ინფორმაციით, ფრანგი ფეხბურთელის შეძენა ანტუან გრიზმანის დასარჩენად გადადგმული ერთ-ერთი ნაბიჯი იყო.
შეგახსენებთ, რომ ლემარი "მონაკოს" ღირსებას 2013 წლიდან იცავს. მის ანგარიშზე 127 შეხვედრაში 22 გოლი და 32 საგოლე გადაცემაა.
