"პარმა" სერია A-ში დაბრუნდა! - ლუკარელიმ პირობა შეასრულა...
იტალიის სერია B-ს რეგულარული სეზონი დასრულდა, რომლის ბოლო ტურშიც "ფროზინონემ" უმნიშვნელოვანესი ქულები ბოლო წუთებზე დაკარგა და მის ნაცვლად ,უმაღლეს ლიგაში ფლეი-ოფის გარეშე, "პარმა" გადავიდა.
????La classifica finale della #SerieB https://t.co/UV8iKBUtPA al termine della regular season. #FattoreB pic.twitter.com/Ril4OfOYaa
— Lega B (@Lega_B) May 18, 2018
ემილიელები სტუმრად "სპეციას" ხვდებოდნენ, რომლის დაწინაურებაც პენალტიდან ალბერტო ჯილარდინოს (2002-2005 წლებში "პარმაში" თამაშობდა) შეეძლო, მაგრამ შანსი ვერ გამოიყენა და საბოლოოდ, "კროჩიატიმ" 2:0 იმარჯვა, რითაც "ემპოლის" მსგავსად სერია A-ში თამაში გაინაღდა.
"Tre anni fa ci davano per morti: si sono sbagliati"
— Parma Calcio 1913 (@1913parmacalcio) May 18, 2018
Noi siAmo AncorA quA! ????????????????#EhGià#comenoinessunomAi#ForzaParma pic.twitter.com/cmxdiYTHEq
"პარმას" კაპიტანი და ბოლო პერიოდის ერთ-ერთი სიმბოლო ალესანდრო ლუკარელია, რომელიც რამდენიმე თვეში 41 წლის ხდება. როცა კლუბი გაკოტრდა და სერია D-ში დაქვეითება მოუწია, მან პირობა დადო, რომ "პარმას" არ მიატოვებდა და მასთან ერთად სერია A-ში დაბრუნდებოდა.
"მე პირობა მოგეცით. ვთქვი, რომ "პარმასთან" ერთად სერია A-ში დავბრუნდებოდი. სიტყვა შესრულებულია!
ეს ყველაფერი არარეალურია, შეუძლებელია. ვერავინ წარმოიდგენდა, რომ ყველაფერი ასე დასრულდებოდა, საუკეთესო ოცნებაშიც ვერ ვიფიქრებდი იმას, რაც ახლა ხდება. ესაა იმ მოგზაურობის ბრწყინვალე დასასრული, რომელიც 3 წლის წინ ჩვენს გასაოცარ ფანებთან ერთად დავიწყეთ.
არაერთი რთული პერიოდი გამოვიარეთ, მაგრამ ბიჭებს თავი არასდროს ჩაუხრიათ და დანებებაზე არ უფიქრიათ, ვამაყობ, რომ მათი კაპიტანი ვარ". - განუცხადა ლუკარელიმ Sky Sport Italia-ს.
ალესანდრო ლუკარელი "ჯალობლუს" რიგებში 2008 წლიდან თამაშობს და კლუბის მაისურით 400-ზე მეტ მატჩში აქვს მონაწილეობა მიღებული.
Eccoci! ????
— Parma Calcio 1913 (@1913parmacalcio) May 19, 2018
Siamo entrati nella storia, era giusto entrare anche in Piazza Garibaldi... ????????#ComenoinessunomAi#ForzaParma pic.twitter.com/omCXxRnWRf
"პარმა" 90-იან წლებში იტალიის ერთ-ერთი უძლიერესი გუნდი იყო. მან იმ პერიოდში 2-ჯერ უეფას თასი, ევროპის სუპერ თასი, თასების მფლობელთა თასი, 3-ჯერ იტალიის თასი და ქვეყნის სუპერ თასი მოიგო.
გუნდი 2015 წელს გაკოტრდა და იმავე ზაფხულიდან გამოსვლა იტალიის უდაბლეს ლიგაში, სერია D-ში დაიწყო, ზედიზედ 4 სეზონში სხვადასხვა ლიგაში დაწინაურება მოახერხა, ახლა კი უკვე უმაღლეს ლიგაშია.
???????? Complimenti al @1913parmacalcio, che ritorna in #SerieATIM e diventa la prima squadra ad ottenere 3 promozioni di fila nel calcio professionistico!
— Serie A TIM (@SerieA_TIM) May 18, 2018
Bentorn????ti! pic.twitter.com/fVdV7jMYkf
სერია B-დან უმაღლეს ლიგაში კიდევ ერთი გუნდი დაწინაურდება, რომელსაც მოახლოებული ფლეი-ოფის ეტაპი გამოავლენს. მე-3 ადგილოსანი "ფროზინონე" და მე-4 ადგილოსანი "პალერმო" ფლეი-ოფის 1/2 ფინალურ ეტაპზე პირდაპირ მოხვდნენ, "ბარი", "ჩიტადელა", "ვენეცია" და "პერუჯა" კი 1/2 ფინალის კიდევ 2 მონაწილეს გამოავლენენ.
ფლეი-ოფის 1/4 ფინალური სტადია ერთმატჩიანია და მასპინძელი იმის მიხედვით ირჩევა, რომელმა გუნდმა უფრო მაღალი ადგილი დაიკავა. შესაბამისად, "ბარი" "ჩიტადელას" უმასპინძლებს, "ვენეცია" კი - "პერუჯას".
1/2 ფინალში გუნდები ბადის მიხედვით დაწყვილდებიან და ასპარეზობას უკვე ორმატჩიანი დაპირისპირებებით გააგრძელებენ.
???? Prendete carta e penna e segnatevi gli appuntamenti dei playoff e playout della #SerieB https://t.co/UV8iKBUtPA 2017/18. Si inizia sabato e domenica prossimi con i turni preliminari. #Playoff18 pic.twitter.com/s3WRGXf2Gq
— Lega B (@Lega_B) May 18, 2018
დავამატოთ ისიც, რომ ხსენებული გუნდებიდან 3-ს მსოფლიოს 2006 წლის ჩემპიონი ავარჯიშებს - "ბარის" მთავარი მწვრთნელი ფაბიო გროსოა, "ვენეციას" ფილიპო ინძაგი ავარჯიშებს, ხოლო "პერუჯას" თავკაცად ალესანდრო ნესტა რამდენიმე დღის წინ დაინიშნა.
