NBA-ის ფლეი-ოფების მიმოხილვა

ტორონტო - კლივლენდი 110 - 128

გამთენიისას საკალათბურთო ასოციაციაში ორი საფლეიოფო შეხვედრა გაიმართა. ტური კანადაში გაიხსნა, სადაც ტრადიციულად „ტორონტომ“ ვერაფერი გააწყო ლებრონის წინააღმდეგ და უშანსოდ დამარცხდა.

კანადელებმა საშინელი მეორე ნახევარი ჩაატარეს და აღნიშნული პერიოდი 47-67 წააგეს.

მატჩის საუკეთესო მოთამაშე ლებრონ ჯეიმსი გახდა. „მეფემ“ თავი 43 ქულასთან ერთად 14 გადაცემას და 8 მოხსნას მოუყარა. კევინ ლავმა გუნდს 31 ქულა შესძინა. ჯეი არ სმიტმა კი შეხვედრა 15 ქულით დაასრულა.

„ტორონტოს“ მხრიდან 24 ქულით დემარ დეროუზანი გამოირჩა. კაილ ლოურიმ აქტივში 21 ქულა ჩაიწერა. იონას ვალანჩუნასმა ორმაგი დუბლი მიითვალა და 16 ქულას 12 მოხსნა მიამატა.

„კლივლენდი“ სერიაში 2-0 დაწინაურდა და შემდეგ შეხვედრას შინ 6 მაისს გამართავს.

Game 2 recap: LeBron, right through the heart of the defense pic.twitter.com/ooZEuOsCLl
— NBA on ESPN (@ESPNNBA) May 4, 2018

ბოსტონი - ფილადელფია 108 – 103

ზედიზედ მეორე შეხვედრა მოიგო „ბოსტონმა“. „კელტებმა“ საკუთარ კედლებში „ფილადელფია“ დაამარცხეს და სერიაში ორმატჩიანი უპირატესობა მოიპოვეს.

ცუდი სტარტის შემდეგ „ბოსტონმა“ ყველა მეოთხედი მოიგო და „ფილას“ 5 ქულიანი უპირატესობით სძლია.

Skrrrt ????#NBAPlayoffs | #CUsRise pic.twitter.com/gDxyFKv9ZT
— NBA on TNT (@NBAonTNT) May 4, 2018

„ბოსტონს“ 21 ქულით ჯეისონ ტატუმმა ულიდერა. ტერი როზიერმა შეხვედრა 20 ქულით დაასრულა. სასტარტო შემადგენლობაში გამწესებულმა მარკუს სმარტმა აქტივში 19 ქულა ჩაიწერა, ხოლო ალ ჰორფორდმა ორმაგი დუბლი მიითვალა - 13 ქულა, 12 მოხსნა.

„ფილადელფიას“ მხრიდან 23 ქულით ჯეი ჯეი რედიკი გამოირჩა. რობერტ კავინგტონმა გუნდს 20 ქულა შესძინა. ჯოელ ემბიდმა კი აქტივში ორმაგი დუბლი ჩაიწერა - 20 ქულა. 14 მოხსნა. ბენ სიმონსმა ფლეი-ოფის ყველაზე ცუდი შეხვედრა ჩაატარა. 21 წლის უკანახაზელმა გუნდს მხოლოდ 1 ქულა შესძინა და ბურთი 5-ჯერ დაკარგა.