"რეალი" VS "ბაიერნი" - ფეხბურთელებისა და ევროპული პრესის გამოხმაურება
მადრიდის „რეალსა“ და მიუნხენის „ბაიერნს“ შორის გამართულ ნახევარფინალს ხმაურის გარეშე არც ამჯერად ჩაუვლია.
ისევე როგორც შარშან, „სანტიაგო ბერნაბეუზე“ საკამათო ეპიზოდები ამჯერადაც იყო.
ჯიუნეთ ჩაქირის გადაწყვეტილებებმა საფეხბურთო სამყარო ორ ნაწილად გაყო.
გთავაზობთ, ევროპული ტაბლოიდების მიერ მთავარ გვერდზე გამოტანილ სათაურებს, რომლებიც გუშინდელ მატჩს მიეძღვნა.
ესპანური პრესის აზრი რა თქმა უნდა ორად გაიყო. მდრიდული გაზეთები საკამათო ეპიზოდებზე ყურადღებას დიდად არ ამახვილებდნენ, კატალონიელები კი მსაჯის თემას წინა პლანზე წევდნენ.
Mundo Deportivo
„ბაიერნი“ „ბერნაბეუზე“ მსაჯის მორიგი სკანდალური გადაწყვეტილების გამო დაზარალდა.
ჯიუნეთ ჩაქირი „რეალს“ ისევე მიემხრო, როგორც ეს ერთი წლის წინ ვიქტორ კაშაიმ გააკეთა.
Sport
აი ასე მოიგო „რეალმა“.
ჩაქირისა და „ბაიერნის“ საჩუქრების შემდეგ მადრიდელები ფინალში ზედიზედ მესამედ ითამაშებენ.
მარსელოს ბურთი ხელზე ხვდება და პენალტი აშკარა იყო, ხოლო ულრაიხი ბენზემას მეორე გოლის გატანის საშუალებას აძლევს.
Marca
მე-13 თასისკენ!
ბრიტანული DailyMail
ძალიან დაძაბული მატჩი! რონალდუმ და თანაგუნდელებმა ფინალის საგზური სასაცილო შეცდომის შედეგად მოიპოვეს, ხამესს კი თავისი ყოფილი გუნდის ნახევარფინალიდან გამოგდება შეეძლო.
იტალიური პრესა:
Tuttosport
„რეალი“ ფინალშია, მაგრამ მსაჯის შეცდომის დამსახურებით.
Gazzetta
„რეალი“ ჩვეულ სტილში: ზედიზედ მესამე ფინალი.
მადრიდელებისთვის „ბაიერნთან“ 2:2 საკმარისი გამოდგა.
გერმანული Bild
ექვსი თვალი და ერთი ხელი.
როგორ შეიძლება მსაჯს ეს ვერ შეემჩნია?
და კიდევ 5 კითხვა დაძაბული მატჩის ირგვლივ.
შეხვედრას სოციალური ქსელისა და ტელევიზიების საშუალებით ფეხბურთელებიც გამოეხმაურნენ.
ფრენკ ლამპარდი:
„ეს არ არის ბოლო წლების „რეალი“. მათ წარმოუდგენლად გაუმართლათ“.
Frank Lampard: "This isn't the Real Madrid of the last few years. They've had an incredible amount of luck." pic.twitter.com/BVjzzp989T
— Indy Football (@IndyFootball) May 1, 2018
სტივენ ჯერარდი:
„რეალი მთელი გუნდით დაცვაში იდგა და ბაიერნი დომინირებდა. მიუნხენელებმა გაცილებით მეტი მომენტი შექმნეს და ჩემთვის მათ უკეთესი გუნდის შთაბეჭდილება დატოვეს.
რეალს ლივერპულის წინააღმდეგ სერიოზული პრობლემები შეექმნება, რადგან მადრიდელთა დაცვა უხეშ შეცდომებს უშვებს და მათ პრობლემები ფლანგებზეც აქვთ“.
რიო ფერდინანდი:
„თუ, რეალი ფინალშიც 4-4-2 ტაქტიკური სქემით ითამაშებს, ლივერპული მათ ნაწილებად დაშლის და გაანადგურებს“.
ჯერომ ბოატენგი:
“ეს პენალტი არ არის? კარგით რა...
No penalty?!? Come on... ???? #rmafcb pic.twitter.com/arST1s1FMw
— Jerome Boateng (@JB17Official) May 1, 2018
არტურო ვიდალმა საკუთარი Instagram-ის გვერდზე რამდენიმე ფოტო გამოქვეყნა და ემოციები ვერ მოთოკა.
„კიდევ ერთხელ! პენალტია ნაგვებო.
შემდეგ, ვიდალმა „რეალის“ მოთამაშეების ფოტო გამოაქვეყნა წარწერით - „ვირთხები“.
