NBA-ის ფლეი-ოფების მიმოხილვა
ბოსტონი - ფილადელფია 117 - 101
გამთენიისას საკალათბურთო ასოციაციაში ფლეი-ოფის ერთი შეხვედრა გაიმართა. „ბოსტონმა“ საკუთრ მოედანზე „ფილადელფიას“ უმასპინძლა და დამაჯერებელი გამარჯვება მოიპოვა.
ჯეილენ ბრაუნის გარეშე „კელტებს“ როზიერი, ტატუმი, ჰორფორდის ტრიომ ულიდერა. ბოსტონელებმა 36-დან 17 სამქულიანი ჩააგდეს და 27 გადაცემა მიითვალეს. რაც შეეხება „ფილადელფიას“, „სიქსერსს“ პერიმეტრიდან სროლები არ წაუვიდა და 26 სამიანიდან კალათში მხოლოდ 5 მოათავსა.
"He's giving this kid complete confidence. I love that." - Chuck on Brad Stevens and Terry Rozier pic.twitter.com/EOPOBUV4ej
— NBA on TNT (@NBAonTNT) May 1, 2018
„სელტიკსის“ რიგებში 29 ქულით ტერი როზიერი გამოირჩა, 24 წლის გამთამაშებელმა 9-დან 7 სამქულიანი ჩააგდო და 8 მოხსნასთან ერთად 6 გადაცემა მიითვალა. ჯეისონ ტატუმმა მატჩი 28 ქულით დაასრულა, ხოლო ალ ჰორფორდმა თავი 26 ქულას მოუყარა. სათადარიგო სკამიდან შემოსულმა მარკუს მორისმა აქტივში 11 ქულა ჩაიწერა.
„ფილადელფიას“ რიგებში ორმაგი დუბლი ჯოელ ემბიდმა მიითვალა - 31 ქულა, 13 მოხსნა. ჯეი ჯეი რედიკმა მატჩი 20 ქულით დაასრულა, ხოლო ბენ სიმონსმა აქტივში 18 ქულასთან ერთად 7 მოხსნა და 6 გადაცემა მოაგროვა.
„ბოსტონი“ სერიაში დაწინაურდა და შემდეგ შეხვედრა შინ 4 მაისს გამართავს.
.@T_Rozzay3 & @jaytatum0 channeled Kyrie as the C's handled the Sixers in Game 1!#NBAPlayoffs | #CUsRise pic.twitter.com/hb7GD3WNKi
— NBA on TNT (@NBAonTNT) May 1, 2018