ვინ არის მაურო იკარდის აგენტი?

2013 წლის ბოლოს, იტალიური საფეხბურთო საზოგადოება, საკმაოდ მოულოდნელმა და არასასიამოვნო ინფორმაციამ მოიცვა. არგენტინელმა მოდელმა, მოცეკვავემ და 3 შვილის დედამ, ვანდა ნარამ მეუღლე მიატოვა და რომანი ახალგაზრდა ფეხბურთელ მაურო იკარდისთან გააბა. ეს უკანასკნალი კი, ვანდას ყოფილი მეუღლის, მაქსი ლოპესის ახლო მეგობარი იყო. მას შემდეგ მაურო იკარდი, იტალიაში ერთ-ერთი ყველაზე საძულველ ფეხბურთელად იქცა. ერთი პერიოდი, „ინტერის“ გულშემატკივრები, კლუბის ხელმძღვანელობას თავდამსხმელის თავიდან მოშორებასაც კი სთხოვდნენ. თუმცა როგორც ჩანს, ამ ყველაფერმა უკვე ჩაიარა და წყვილი თავს შესანიშნავად გრძნობს.

რამდენიმე დღის წინ კი, იკარდიმ საკუთარი საფეხბურთო აგენტი დაითხოვა და აღნიშნული ადგილი საკუთარ მეუღლეს დაუთმო.