საქართველოს ნაკრები დღეს ავსტრიასთან ითამაშებს
საქართველოს ეროვნული საკალათბურთო ნაკრები დღეს მსოფლიო ჩემპიონატის შესარჩევ ეტაპზე მორიგ შეხვედრას ჩაატარებს და სტუმრად ავსტრიას დაუპირისპირდება.
ილიას ზუროსის გუნდი სერიოზული საკადრო პრობლემებითაა - გიორგი შერმადინი და თორნიკე შენგელია „ევროლიგაზე“ თამაშობენ და ნაკრების ამ შეკრებაზე ჩასვლა აკრძალული აქვთ, ხოლო დუდა სანაძეს, ბექა ბურჯანაძესა და მანუჩარ მარკოიშვილს ტრავმები აქვთ.
2 ჩატარებული მატჩის შემდეგ, საქართველოსა და ავსტრიას ამდენივე წაგება აქვთ და დღევანდელი შეხვედრა სატურნირო კუთხით ძალიან მნიშვნელოვანია.
თამაში თბილისის დროით 21:00 საათზე დაიწყება და მის პირდაპირი რეპორტაჟს საზოგადოებრივი მაუწყებლის პირველ არხზე ვიხილავთ.