მსოფლიო ჩემპიონატის თასი თბილისშია!
დღეს დილით ფეხბურთის მსოფლიო ჩემპიონატის თასი თბილისში კრისტიან კარამბემ ჩამოიტანა.
1998 წლის მსოფლიო ჩემპიონმა კარამბემ ეს „კოკა-კოლას“ ორგანიზებით გააკეთა, რომელიც ჩვენს ქვეყანაში თასის ჩამოტანის ორგანზატორია.
13-დან 18 საათამდე თასი „თბილისი მოლში“ განთავსდება და გულშემატკივარს მასთან ფოტოს გადაღების საშუალება ექნება.
FIFA-ს წესის თანახმად, თასთან შეხება მხოლოდ მსოფლიო ჩემპიონატის გამარჯვებულებსა და სახელმწიფოს მეთაურებს შეუძლიათ.
მსოფლიო ჩემპიონატის თასის ტური გასული წლის სექტემბერში დაიწყო და თასმა 6 კონტინენტზე 50-ზე მეტი ქვეყანა მოიარა.