თებერვალში მსოფლიო ჩემპიონატის თასს თბილისში ჩამოიტანენ!
FIFA-ს მსოფლიო ჩემპიონატის თასს საქართველო უმასპინძლებს.
FIFA-ს ოფიციალური ვებ გვერდის ინფორმაციით, კონკრეტულად, თასს თბილისში 8 თბერვალს ჩამოიტანენ.
თასი მოგზაურობას დღეს დაიწყებს და მას პირველი შრი ლანკა უმასპინძლებს. საბოლოოდ, ყველა ფეხბურთელისთვის საოცნებო პრიზი 51 ქვეყნის 91 ქალაქს მოივლის.
7 თებერვალს თასს სომხეთის დედაქალაქ ერევანში ჩაიტანენ, მეორე დღეს კი ის უკვე თბილისში იქნება.
თასი დღეს ლონდონში იყო, სადაც ის მსოფლიო ჩემპიონებმა ანდრეა პირლომ და ჯეფ ჰერსტმა წარადგინეს.
