რაფინია "ინტერში" ითამაშებს

Marca-ს ინფორმაციით რაფინია ალკანტარა კარიერას მილანის "ინტერში" გააგრძელებს.

"ბარსელონამ" და "ინტერმა" ყველა დეტალი შეათანხმეს და 24 წლის ფეხბურთელი "სან სიროზე" გადაბარგდება.

რაც შეეხება გარიგების დეტალებს, რაფინია "ინტერში" სეზონის ბოლომდე იჯარის წესით ითამაშებს, ზაფხულში კი "ნერაძურის" მისი გამოსყიდვა 35 მილიონ ევროდ შეეძლება.

შეგახსენებთ, რომ რაფინია "ბარსელონას" სკოლის "ლა მასიას" აღზრდილია და ის პირველი გუნდის ღირსებას 2011 წლიდან იცავდა. განათხოვრების შემდეგ, ბრაზილიელი გუნდს დაუბრუნდა, თუმცა როგორც ჩანს ამჯერად "ბარსას" საბოლოოდ დატოვებს.