"სიტი" უმტიტის სანაცვლოდ 60 მილიონს გამოდის
ფრანგული L’Equipe-ს ინფორმაციით, „მანჩესტერ სიტის“, „ბარსელონას“ ცენტრალურ მცველ სამუელ უმტიტის შეძენა სურს.
24 წლის უკანახაზელის გამოსასყიდი თანხა 60 მილიონი ევროა, რომლის გადასახდელადაც ინგლისელები მზადყოფნას გამოთქვამენ.
თავის მხრივ, „ბარსა“, თავისი დაცვის ერთ-ერთი ლიდერის შესანარჩუნებლად, მისთვის გაუმჯობესებული კონტრაქტის შეთავაზებას აპირებს.
უმტიტის ამჟამინდელ ხელშეკრულებას ვადა 2021 წლის ზაფხულში გასდის.
იგი „ნოუ კამპზე“ 2016 წელს ფრანგული „ლიონიდან“ 25 მილიონი ევროს სანაცვლოდ მივიდა.