ერნანეში: „ინტერი“ სწორ გზაზე დგას
მილანის „ინტერის“ შემტევი ნახევარმცველი ერნანეში მიიჩნევს, რომ მისი გუნდი სწორ გზაზე დგას. „ნერიაძურიმ“ მოსამზადებელ ეტაპზე ყველა ამხანაგური მატჩი წააგო, თუმცა ბრაზილიელი მოთამაშის განცხადებით, რობერტო მანჩინი კარგად მუშაობს.
„ვხედავ თუ როგორ იზრდება გუნდი. ეს ჩვენი სეზონი იქნება. მოსამზადებელ ეტაპზე წაგებები ცუდია, მაგრამ ვმუშაობთ იმისათვის, რომ გავაუმჯობესოთ შედეგები. ჩვენ არ ვეჯიბრებით სხვა გუნდებს, მხოლოდ საკუთარი თამაშის დახვეწაზე ვფიქრობთ. ჩემი სურვილი „ინტერში“ დარჩენა და ამ კლუბისთვის მაქსიმუმის გაკეთებაა. მირანდას ტრანსფერი? მასთან ერთად 2007-10 წლებში „სან–პაოლოში“ ვთამაშობდი. ჩვენი ოთახები ერთმანეთის გვერდი–გვერდ მდებარეობდა. ერთად ვიმარჯვებდით და იმედია ამას კვლავ გავაკეთებთ“ – განაცხადა ერნანეშმა.