„მანჩესტერ სიტის“ ისკოს დამატება სურს

როგორც ესპანური გამოცემა „El Mundo Deportivo“ იუწყება, „მანჩესტერ სიტის“ სპორტულმა დირექტორმა, ჩიკი ბეგარისტაინმა ისკოს მიმართ ინტერესი განაახლა.

„სიტის“ მფლობელებმა ისკოს დამატება 2013 წელსაც სცადეს, მაგრამ მაშინ ახალგაზრდა შემტევმა მადრიდის „რეალი“ აირჩია. კარლო ანჩელოტის ხელში ისკომ საკმაოდ ბევრი რამის დამტკიცება მოახერხა, თუმცა როგორც ჩანს, ახალი მწვრთნელის, რაფა ბენიტესის გეგმებში ახალგაზრდა ფეხბურთელი არ ჯდება.

იმ შემთხვევაში, თუ 23 წლის წინახაზელს საქმე უკეთესობისკენ არ წაუვა, იგი მზადაა „ეტიჰადის“ ბინადრების შეთავაზება განიხილოს. მანამდე, ისკოსადმი ინტერესი "არსენალმა" და "იუვენტუსმაც" გამოამჟღავნეს.