აგენტის თქმით, ტურე "სიტიდან" იანვარში არ წავა

Skysports-ის ინფორმაციით, იაია ტურე „სიტიში“ სულ მცირე სეზონის ბოლომდე დარჩება.

ამის შესახებ პოპულარულ გამოცემას ფეხბურთელის აგენტმა დიმიტრი სელუკმა განუცხადა.

სელუკის თქმით, 100%-ით გადაწყვეტილია, რომ ტურე „ეტიჰედ სთედიუმიდან“ იანვარში არ წავა, რადგან კლუბში თავს ბედნიერად გრძნობს.

34 წლის ნახევარმცველი პრემიერ ლიგის 2 გზის გამარჯვებულია, ხოლო წელს მესამე საჩემპიონო ტიტულის მოგება სურს.

კოტ დ’ივუარელ შუახაზელს „ქალაქელებთან“ კონტრაქტი სეზონის ბოლოს ეწურება.