მიხეილ ნარიაშვილი 2017 წლის მსოფლიო ნაკრებში მოხვდა
სარაგბო გამოცემა rugger.info-მ, გულშემატკივართა გამოკითხვის შედეგად, 2017 წლის მსოფლიო ნაკრები დაასახელა.
სიმბოლურ გუნდში ქართველი მორაგბე მიხეილ ნარიაშვილი მოხვდა, რომელმაც თავის პოზიციაზე ხმების უდიდესი ნაწილი მიიღო.
ნარიაშვილმა გულშემატკივართა ხმების 61.7% მიიღო და კონკურენტები დიდი სხვაობით ჩამოიტოვა.
27 წლის „ბორჯღალოსანი“ ფრანგული „მონპელიეს“ რიგებში თამაშობს. მის ანგარიშზე 47 სანაკრებო კეპია.