"მთელი გუნდი მიცავდა" - სემედუმ ნეიმართან ჩხუბზე ისაუბრა
კატალონიური "ბარსელონას" პორტუგალიელმა მცველმა ნელსონ სემედუმ, ზაფხულში ნეიმართან მომხდარი კონფლიქტი გაიხსენა.
"ნეიმართან მომხდარი კონფლიქტი, ჩვეულებრივია - ასეთები ვარჯიშზე ხდება და არავის უკვირს.
ამ მომენტს, განსხვავებული ინტერპრეტაცია მიეცა, რადგან კონფლიქტი, გუნდის ერთ-ერთ ყველაზე გავლენიან ფეხბურთელს მოუხდა.
ჩემზე განსაკუთრებული ზეწოლა არ ყოფილა, რადგან მთელი გუნდი მიცავდა.
რა თქმა უნდა, იმ დღეებში თავს ძალიან არაკომფორტულად ვგრძნობდი, თუმცა ნელ-ნელა ყველაფერი სწორად გავანაალიზე და ამ საკითხს ნეიმარის მხრიდანაც შევხედე - მას რთული პერიოდი ჰქონდა, რადგან წასვლაზე ფიქრობდა".
შეგახსენებთ, რომ ზაფხულში "ბარსელონას" ერთ-ერთი ვარჯიშისას, ნელსონ სემედოსა და ნეიმარს შორის, ხელჩართული ჩხუბი მოხდა.