„პარი სენ ჟერმენი“ დი მარიას სანაცვლოდ 45 მილიონ გირვანქა სტერლინგს იხდის
„Telegraph“-ის მიერ გავრცელებული ინფორმაციის თანახმად, „მანჩესტერ იუნაიტედის“ შემტევი ნახევარმცველი ანხელ დი მარია შესაძლოა უკვე ამ კვირაში გადაბარგდეს პარიზულ კლუბში. აქამდეც ხშირად დაიწერა "პსჟ"-ს ინტერესზე, მაგრამ ახლა საქმე გაცილებით სერიოზულად არის. საფრანგეთის ჩემპიონმა გაამზადა ოფიციალური წინადადება და სურს, რომ 45 მილიონი ფუნტის სანაცვლოდ, რაც შეიძლება მალე შეიძინოს არგენტინელი მოთამაშე. 27 წლის ანხელი გასულ წელს "მანჩესტერ იუნაიტედმა" 59,7 მილიონ ფუნტ-სტერლინგად დაიმატა, მაგრამ ახლა იძულებულია წავიდეს გარკვეულ დათმობაზე ან მისცეს შანსი დი მარიას, რომელმაც გასული სეზონი ჩააგდო.
