"ჩელსი" ვილიანს კონკურენტ გუნდში უშვებს, თავად კი "პსჟ"-ს ფეხბურთელს ყიდულობს
ლონდონის "ჩელსის" სატრანსფერო ბაზარზე დიდი გეგმები აქვს. ანტონიო კონტეს შემადგენლობის შეცვლა სურს.
Sunday Express-ის ინფორმაციით, ლონდონელები ვილიანის ტრანსფერზე დაყენებას აპირებენ, რომლის შეძენის სურვილს "მანჩესტერ იუნაიტედი" გამოთქვამს.
ჟოზე მოურინიოს თავისი ყოფილი შეგირდის "ოლდ ტრაფორდზე" ხილვა სურს და როგორც ჩანს, საწადელს აისრულებს კიდეც.
თავად "არისტოკრატები" "პსჟ"-ს ბრაზილიელი ვინგერის ლუკას მოურას დამატებას გეგმავენ. პარიზელები ნეიმარისა და მბაპეს ტრანსფერების შემდეგ, FIFA-ს ფინანსური ფეარ პლეის დარღვევის საფრთხის წინაშე დგანან და მზად არიან რამდენიმე მოთამაშე ტრანსფერზე დააყენონ.
მოურას გუნდიდან წასვლა პრაქტიკულად გადაწყვეტილია და "ჩელსის" მისი შეძენა არ უნდა გაუჭირდეს.
"პსჟ"-ს ბრაზილიელი ფეხბურთელი წლევანდელ სეზონში თითქმის სულ სათადარიგოთა სკამზე რჩება. მან, ლიგა 1-ში მხოლოდ 5 მატჩი ჩაატარა. ლუკასის ანგარიშზე 1 გოლი და 1 შედგიანი გადაცემაა.
რაც შეეხება ვილიანს, პრემიერლიგის 12 ტურში ის მხოლოდ 1 შედეგიანი გადაცემით გამოირჩა.
