"არსენალმა" 60 მილიონიანი ტრანსფერი შეათანხმა!
ზამთრის სატრანსფერო ფანჯრის დროს, დიდი ალბათობით "არსენალს" მესუთ იოზილი და ალექსის სანჩესი დატოვებენ.
აქედან გამომდინარე "მეთოფეებმა" თადარიგი დაიჭირეს და იანვრისთვის პირველი ტრანსფერი უკვე შეათანხმეს.
Daily Star-ის ინფორმაციით, "ლიონის" ფრანგი შემტევი ნაბილ ფეკირი "არსენალთან" გადასვლასთან ახლოსაა. მხარეებმა ფაქტიურად ყველა დეტალი შეათანხმეს.
ფრანგმა ფეხბურთელმა შარშანდელის მსგავსად წლევანდელი სეზონიც ჩინებულად დაიწყო და იგი ლიგა 1-ის უდაოდ ერთ-ერთი გამორჩეული მოთამაშეა.
შეგახსენებთ, რომ 24 წლის ნაბილ ფეკირი "ლიონის" ღირსებას 2013 წლიდან იცავს. მის ანგარიშზე 128 შეხვედრაში 46 გოლი და 32 შედეგიანი გადაცემაა.
