„მანჩესტერმა“ შნეიდერლინი დაიმატა
„მანჩესტერ იუნაიტედი“ გაძლიერებას განაგრძობს. ბასტიან შვაინშტაიგერის დამატების შემდეგ, კლუბმა კიდევ ერთი ნახევარმცველი გაიფორმა. “წითელი ეშმაკების” ოფიციალური ვებ-გვერდის ცნობით, მანჩესტერელებმა „საუთჰემპტონის“ ფრანგ ფეხბურთელთან, მორგან შნეიდერლინთან გააფორმეს ხელშეკრულება.
25 წლის მოთამაშემ სამედიცინო შემოწმება წარმატებით გაიარა და ახალ კლუბთან ოთხწლიან კონტრაქტს მოაწერა ხელი. არაოფიციალური ცნობის თანახმად, “საუთჰემპტონმა” ფეხბურთელთან სანაცვლოდ 23.8 მილიონი ფუნტი მიიღო.