ფედერერმა კარიერაში 95-ე ტიტული მოიგო
ლეგენდარულმა შვეიცარიელმა ჩოგბურთელმა როჯერ ფედერერმა კარიერაში თავისი 95-ე ტიტული მოიგო.
ფედერერმა აღნიშნული მაჩვენებლით ივან ლენდლს გადაასწრო, რომლის აქტივშიც ATP-ს 94 მოგებული ტურნირია. როჯერზე წინ, 109 მოგებული ტიტულით ჯიმი კონორსია.
„მაესტრომ“ მშობლიურ ბაზელის ტურნირზე იმარჯვა, რომლის ფინალურ მატჩშიც ხუან მარტინ დელ პოტროს დაძაბულ ბრძოლაში 6:7 6:4 6:3 აჯობა.
როჯერ ფედერერმა ამ გამარჯვებით დაახლოებით 400 ათასი ევრო და 500 სარეიტინგო ქულა გამოიმუშავა.