ვოზნიაცკიმ წლის შემაჯამებელი ტურნირი მოიგო
სინგაპურში გამართული ქალ ჩოგბურთელთა წლის შემაჯამებელი ტურნირი კაროლინ ვოზნიაცკიმ მოიგო.
27 წლის დანიელმა ვარსკვლავმა ფინალურ შეხვედრაში ვეტერანი ამერიკელი ვენუს უილიამსი 2 სეტში - 6:4 6:4 დაამარცხა.
პირველი სეტი მეტ-ნაკლებად თანაბარ ორთაბრძოლაში წარიმართა და მისი ბედი მე-10 გეიმში გადაწყდა, როცა ვოზნიაცკიმ მეტოქის მოწოდების აღება და სეტის თავის სასარგებლოდ დასრულება შეძლო.
მეორე სეტის პირველი ნაწილი დანიელის სრული უპირატესობით წარიმართა და ის 5:0 დაწინაურდა, თუმცა უილიამსმა მატჩისთვის ინტრიგის დაბრუნება ზედიზედ 4 მოგებული გეიმით შეძლო.
ამერიკელს 5:4-ზე საკუთარი მოწოდების აღებით, ანგარიშის გათანაბრების საშუალება ჰქონდა, მაგრამ გადამწყვეტ მომენტში ვოზნიაცკიმ ძალები მოიკრიბა და თამაში 2 სეტში დაამთავრა.
კაროლინ ვოზნიაცკიმ წლის შემაჯამებელი ტურნირი კარიერაში პირველად მოიგო.