ბალოტელი: "მე "რეალი" მომწონს, თუმცა თუკი "ბარსა" მიხმობს, არ ვიტირებ"
ფრანგული "ნიცას" ფორვარდმა მარიო ბალოტელიმ, პრესასთან მორიგი საინტერესო კომენტარი გააკეთა.
იგი "რეალისა" და "ბარსას" შესაძლო ვარიანტს შეეხო და "მილანში" გადასვლის წინა სატრანსფერო მოლაპარაკებებიც გაიხსენა.
"მე "რეალი" მომწონს, თუმცა თუკი "ბარსა" მიხმობს, არ ვიტირებ.
მაშინ მოლაპარაკებებს "იუვენტუსთან" ვმართავდი, მაგრამ საბოლოოდ "მილანში" გადავედი. "როსონერის" ფანი ვიყავი და ტრანსფერში დიდი როლი ადრიანო გალიანიმ ითამაშა". - განაცხადა ბალოტელიმ.
შეგახსენებთ, რომ "სუპერ მარიო" მილანური გუნდის რიგებში 2013-14 და 2015-16 წლებში ასპარეზობდა.
