რონალდუ და მესი - პრემიერლიგის გუნდების რისხვა!
კრიშტიანო რონალდუსა და ლეო მესის ყველანაირ სტატისტიკურ მონაცემს უთვლიან. გოლები, პასები, ვინ რამდენი ირბინა. რამდენი გოლი გაიტანეს თავით, სტანდარტიდან და ა.შ.
რომელი ქვეყნის გუნდები არიან ჩემპიონთა ლიგაზე მესისა და რონალდუს "საყვარელი" მეტოქეები? სტატისტიკურად, არგენტინელმა და პორტუგალიელმა ინგლისის პრემიერლიგის გუნდების კარი 27-ჯერ აიღეს. კრიშტიანოს ანგარიშზე 10 გოლია, ლეომ კი თავი 17-ჯერ გამოიჩინა.
რონალდუმ, გუშინდელ შეხვედრაში "ტოტენჰემს" თერთმეტმეტრიანიდან გაუტანა და ამის შანსი ლონდონშიც მიეცემა. მესის კი ჯერჯერობით, ამ სეზონში ინგლისელთა კარის აღების შანსი არ მისცემია.
