მორიგი ბონუსი ნეიმარს - თუ, ბრაზილიელი ოქროს ბურთს მოიგებს...
როგორც ჩანს, ნეიმარის ბონუსებს ბოლო არ უჩანს. ბრაზილიელი ფეხბურთელი "პსჟ"-სგან ყოველ ფეხის ნაბიჯზე ახალ ანაზღაურებას იღებს.
LeParisien-ის ცნობით, „ბარსელონას“ ყოფილი ფეხბურთელი ოქროს ბურთის მოგების შემთხვევაში 3 მილიონ ევროს მიიღებს. ეს ყოველ ჯერზე მოხდება, როცა ნეიმარი ყველაზე პრესტიჟული ინდივიდუალური ჯილდოს მოგებას მოახერხებს.
როგორც მოგეხსენებათ, ბონუსი ლიგა 1-ის საუკეთესო ბომბარდირობისთვისაც არის დაწესებული და იგი 1 მილიონ ევროს შეადგენს.
შეგახსენებთ, რომ 25 წლის ბრაზილიელს პარიზელებთან კონტრაქტი 2022 წლამდე აკავშირებს. მისი წლიური ანაზღაურება 37 მილიონ ევროზე მეტია და იგი ამ მაჩვენებლით, ევროპის მასშტაბით ყველაზე მაღალანაზღაურებადი ფეხბურთელია.