მესი და ანტონელა მე-3 შვილს ელოდებიან
ლიონელ მესი და მისი მეუღლე ანტონელა როკუცო მე-3 შვილს ელოდებიან. ამის შესახებ ცნობილი „ტვიტერის“ მეშვეობით გახდა, სადაც როკუცომ ფოტო გამოაქვეყნა, რომელსაც შემდეგი წარწერა ჰქონდა: „ოჯახი 5 ადამიანით“.
გარდა ამისა, ფოტოზე მას გამობერილი მუცელი აშკარად ეტყობოდა.
შეგახსენებთ, რომ მესისა და ანტონელას ორი შვილი - 5 წლის ტიაგო და 2 წლის მატეო ჰყავთ.
ისინი წლებია ერთად არიან, თუმცა დაქორწინება მხოლოდ გასულ წელს გადაწყვიტეს და საქორწინო წვეულება რამდენიმე თვის წინ მოაწყეს.