ფედერერმა შანხაის მასტერის მოიგო
შანხაის მასტერსის 2017 წლის გამარჯვებული როჯერ ფედერერი გახდა.
შვეიცარიელმა „მაესტრომ“ ტურნირის ფინალურ შეხვედრაში თავისი ყველაზე პრინციპული მეტოქე და მსოფლიოს ამჟამინდელი პირველი ჩოგანი რაფაელ ნადალი საკმაოდ მარტივად - 6:4 6:3 დაამარცხა.
ფედერერმა პირველი სეტი 1 ბრეიკით მოიგო, ხოლო მეორე პარტიაში ნადალის ჩაწოდების ორჯერ აღება მოახერხა. აღსანიშნავია, რომ იგი საკუთარ მოწოდებაზე ძალიან დამაჯერებლად თამაშობდა და ნადალს 1 ბრეიკ-პოინტიც კი არ მისცა.
როჯერ ფედერერმა კარიერაში 27-ე მასტერსის სერიის ტურნირი მოიგო, ხოლო საერთო ჯამში 94-ე ტიტულის მფლობელი გახდა.
2017 წლის სეზონში ფედერერმა ნადალს 4-დან 4 ურთიერთშეხვედრა მოუგო.