ყაზაიშვილმა MLS-ში მორიგი გოლი გაიტანა
საქართველოს ნაკრების ფეხბურთელმა ვაკო ყაზაიშვილმა MLS-ში მორიგი გოლი გაიტანა.
"სან ხოსემ" სტუმრად "ვანკუვერთან" ითამაშა და შეხვედრა ფრედ 1-1 დასრულდა.
მეორე ნახევარში, როცა მასპინძლები 1-0-ს იგებდნენ, 77-ე წუთზე ვონდოლოვსკის გადაცემის შემდეგ, ყაზაიშვილმა წონასწორობა აღადგინა და შეხვედრაში საბოლოო შედეგი დააფიქსირა.
მიმდინარე სეზონში, ვაკოს ანგარიშზე 12 მატჩში 5 გოლი და 1 საგოლე გადაცემაა.
რაც შეეხება "სან ხოსეს", 33 ტურის შემდეგ მათ 43 ქულა აქვთ და დასავლეთ კონფერენციაში მე-6 პოზიციას იკავებენ.
