თუ, მონტელა "ინტერთან" დერბის წააგებს... "მილანმა" ახალი კანდიდატი შეარჩია

არ წყდება საუბრები „მილანიდან“ მონტელას შესაძლო წასვლაზე.

ევროპული პრესა აქტიურად განიხილავს ვარიანტებს, თუ ვინ შეიძლება ჩაიბაროს „როსონერი“.

დღეს Blick-მა გაავრცელა ინფორმაცია, რომლის თანახმადაც იტალიური გრანდი ვლადიმერ პეტკოვიჩის კანდიდატურას განიხილავს.

წარმოშობით ხორვატი სპეციალისტი, ამჟამად შვეიცარიის ნაკრებს წვრთნის, რომელიც მსოფლიო ჩემპიონატის საკვალიფიკაციო ეტაპის პლეი-ოფში გაიყვანა.

წყაროს ინფორმაციით, „როსონერის“ ხელმძღვანელები ვინჩენცო მონტელას ბოლო შანსს აძლევენ - თუ, „მილანი“ „ინტერთან“ დერბიში არადამაკმაყოფილებელ შედეგს დააფიქსირებს, „აეროპლანინოს“ თანამდებობას დაატოვებინებენ.

აქვე გეტყვით, რომ იტალიური გუნდის შესაძლო მწვრთნელთა სიაში კარლო ანჩელოტის კანდიდატურაც განიხილება.