იტალიური პრესა: "მილანს" სებალიოსის შეძენა უნდა!
იტალიური პრესის ცნობით, „მილანს“ მადრიდის „რეალის“ ახალგაზრდა ნახევარმცველ დანი სებალიოსის შეძენა სურს.
სებალიოსი „სამეფო კლუბის“ მომავლად ითვლება და ის გუნდმა გასულ ზაფხულს „ბეტისისგან“ შეიძინა. ფეხბურთელმა მადრიდულ გრანდთან 6 წლიანი კონტრაქტი გააფორმა და როგორც იწერება, მისი გამოსასყიდი თანხა 500 მილიონი ევროა.
მიუხედავად ამისა, მილანელები „რეალის“ ხელმძღვანელობასთან დალაპარაკებას ზამთარში აპირებენ. მათ სურთ, რომ ახლებურ „მილანში“ სებალიოსს ერთ-ერთი წამყვანი როლი მოარგონ.
დანი სებალიოსი ესპანეთის ახალგაზრდული ნაკრების წევრი და ერთ-ერთი ლიდერია.
