შანსი საქართველოს ნაკრებს! უეფამ ერთა ლიგის ფორმატი ოფიციალურად დაამტკიცა

დღეს, ნიონში გამართულ უეფას კომიტეტის სხდომაზე ერთა ლიგის ფორმატი ოფიციალურად დადასტურდა და ეს იმას ნიშნავს, რომ ევრო 2020-ზე ნაკრებების მოხვედრის წესი შეიცვლება. 

ხსენებული ტურნირი სტარტს 2018 წლის სექტემბერში აიღებს და მასში უეფას წევრი 55 ნაკრები მიიღებს მონაწილეობას. ეს იმას ნიშნავს, რომ ამხანაგური მატჩები ოფიციალურად გაუქმდა.

ევრო 2020-ზე, 20 გუნდი ჩვეულებრივ, საკვალიფიკაციო ეტაპიდან გავა, დანარჩენი 4 კი ერთა ლიგიდან.

სიძლიერის მიხედვით შეიქმნება 4 ჯგუფი და თითო ჯგუფიდან თითო ნაკრები ევროპის ჩემპიონატის საგზურს მიიღებს.

როგორც ცნობილი გახდა, საქართველო ბოლო, მე-4 კალათი მოხვდა, სადაც გიბრალტარი, სან მარინო, ლიხტენშტეინი, მალტა, კოსოვო, მოლდოვა, ლუქსემბურგი, მაკედონია, ლატვია, ლიტვა, ბელარუსი, სომხეთი, ფარერები, ყაზახეთი და ანდორა არიან.