ანტეტოკუმპო ევრობასკეტს გამოტოვებს
"მილუოკი ბაქსის" ფორვარდი იანის ატეტოკუმპო საბერძნეთის ნაკრებს ევრობასკეტზე ვერ დაეხმარება.
22 წლის კალათბურთელს მუხლის ტრავმა აქვს. ამ სამწუხარო სიახლის შესახებ, კალათბურთელმა ქომაგებს facebook-ის საშუალეით აცნობა.
ანტეტოკუმპომ ამ ფაქტს, მის კარიერაში ყველაზე დიდი იმედგაცრუება უწოდა.
უნდა აღინიშნოს, რომ საბერძნეთის ნაკრები "მილუოკის" ფორვარდთან ერთად, ტურნირის ერთ-ერთ ფავორიტად ითვლებოდა. ახლა კი სიტუაცია მკვეთრად შეიცვალა.
შეგახსენებთ, რომ საბერძნეთის ნაკრები ევრობასკეტზე A ჯგუფში ითამაშებს და მისი მეტოქეები საფრანგეთი, ფინეთი, სლოვენია, პოლონეთი და ისლანდია იქნებიან.