საქართველოს ნაკრებმა ჩეხეთი დაამარცხა
"ევრობასკეტის" მოსამზადებელი ციკლის ფარგლებში, საქართველოს ეროვნული ნაკრები, თბილისის "მერიის თასის" გათმაშებაში მონაწილეობს.
ტურნირის პირველი მატჩი ჩვენმა გუნდმა, დღეს, ჩეხეთის ნაკრების წინააღმდეგ ჩაატარა და 87:76 გაიმარჯვა.
შეხვედრაში ყველაზე შედეგიანი თორნიკე შენგელია იყო, რომელმაც 22 ქულა, 7 მოხსნა და 4 ასისტი ჩაიწერა. ზაზა ფაჩულიას ანგარიშზე "ორმაგი დუბლი" ფიქსირდება - 14 ქულა, 11 მოხსნა და 8 ასისტი. 14-14 ქულა ჩააგდეს გიორგი ცინცაძემ და გიორგი შერმადინმაც. მაიკლ დიქსონის აქტივში 11 ქულა იყო, ხოლო დუდა სანაძის - 9.
საქართველოს და ჩეხეთის ნაკრებები, 13 აგვისტოს, "სპორტის სასახლეში", კიდევ ერთხელ ითამაშებენ და თბილისის "მერიის თასის" გამარჯვებულის ვინაობა ამ თამაშების შედეგის მიხედვით გაირკვევა.