საქართველოს ნაკრებმა ლატვია დაძაბულ ბრძოლაში დაამარცხა
საქართველოს კალათბურთელთა ეროვნული ნაკრები "ევრობასკეტისთვის" მზადებას განაგრძობს და ამჟამად ლიტვის ქალაქ კლაიპედაში მიმდინარე "ოთხთა ტურნირზე" მონაწილეობს.
დღეს ჩვენმა გუნდმა ლატვიის ნაკრები დაძაბულ ბრძოლაში - 73:69 დაამარცხა და ტურნირის ფინალში გავიდა.
საქართველოს ნაკრებში, ყველაზე შედეგიანი გიორგი შერმადინი იყო - 20 ქულა, თორნიკე შენგელიამ 14 ქულა ჩააგდო, ხოლო გიორგი ცინცაძემ - 12.
ტურნირის მეორე 1/2 ფინალურ შეხვედრაში მასპინძელი ლიტვა და პოლონეთი ხვდებიან.
"ოთხთა ტურნირის" ფინალური და მე-3 ადგილისთვის მატჩი, ხვალ, 5 აგვისტოს ჩატარდება.
