მენდი მსოფლიოს ყველაზე ძვირადღირებული მცველი ხდება
„მანჩესტერ სიტი“ სულ მალე კიდევ ერთ ტრანსფერს გააოფიციალურებს.
„მონაკოს“ მარცხენა მცველი ბენჟამინ მენდი „ქალაქელებს“ ლოს-ანჯელესში შეუერთდა, სადაც გვარდიოლას გუნდი შეკრებას გადის.
23 წლის მენდიმ გუშინ „ტვიტერზე“ აეროპორტში გადაღებული ფოტო გამოაქვეყნა, რომელსაც წარწერის სახით აწერია, რომ შემდეგი გაჩერება ლოს-ანჯელესია.
გავრცელებული ცნობებით, მანჩესტერელებს მენდის ტრანსფერი 51 მილიონი ფუნტი დაუჯდათ, რითაც ფეხბურთელი მსოფლიოს ყველაზე ძვირადღირებული მცველი გახდება.
შეგახსენებთ, რომ „სიტიმ“ ამ ზაფხულს „მონაკოდან“ კიდევ ერთი ამომავალი ვარსკვლავი ბერნარდო სილვა შეიძინა.