ოფიციალურად: ხამესი 2 წლიანი იჯარით "ბაიერნში" გადავიდა!
მიუნხენის "ბაიერნის" "ტვიტერის" გვერდმა რამდენიმე წუთის წინ ოფიციალურად დაადასტურა, რომ ხამეს როდრიგესი "რეკორდმაისტერის" რიგებში ჩაირიცხა.
გერმანელებმა კოლუმბიელი სუპერვარსკვლავი 2 წლიანი იჯარით აიყვანეს და 2019 წელს მისი გამოსყიდვის საშუალებაც ექნებათ.
როგორც მადრიდული AS წერს, "რეკორდმაისტერი" ორი წლის მანძილზე 5-5 მილიონ ევროს გადაიხდის, ხოლო 2019 წლის ივნისში "რეალის" ანგარიშზე 35 მილიონ ევროს ჩარიცხავს, რითაც ფეხბურთელს საბოლოოდ გამოისყიდის.