კონფედერაციათა თასზე ნახევარფინალისტები დაწყვილდნენ
რუსეთში მიმდინარე FIFA-ს კონფედერაციათა თასზე ნახევარფინალისტები დაწყვილდნენ.
ჯგუფური ეტაპის მატჩები გუშინ დასრულდა. მსოფლიოს მოქმედმა ჩემპიონმა გერმანიის ნაკრებმა, აფრიკის ჩემპიონ კამერუნს 3-1 სძლია. პარალელურად კი კოპა ამერიკის გამარჯვებულმა ჩილემ, აზიის თასის მფლობელ ავსტრალიასთან ქულები გაიყო - 1-1.
ამრიგად, B ჯგუფში პირველი ადგილი გერმანიამ დაიკავა და 1/2 ფინალში მათი მეტოქე, A ჯგუფის მეორე ადგილზე გასული მექსიკის ნაკრები იქნება.
მეორე ნახევარფინალური წყვილი, გაცილებით დიდ ორთაბრძოლას გვპირდება. რონალდუს პორტუგალია, სანჩესის ჩილეს წინააღმდეგ.
ნახევარფინალები, 28-29 ივნისს გაიმართება. შეხვედრების დაწყების დრო 22:00 საათია.