ელენა ოსტაპენკო "როლან გაროსის" ჩემპიონია!
20 წლის ლატვიელი ჩოგბურთელი, ელენა ოსტაპენკო, საფრანგეთის ღია პირველობის 2017 წლის გამარჯვებული გახდა.
მან ფინალამდე სენსაციურად მიაღია და იქაც აუტსაიდერად იყო შერაცხული, თუმცა 3 სეტში სიმონა ჰალეპის დამარცხება შეძლო და ტიტულსაც დაეუფლა.
ჰალეპმა პირველი სეტი 6:4 მოიგო და მეორე პარტიაშიც 3:0 დაწინაურდა, რის შემდეგაც ოსტაპენკოს ჯერი დადგა და მან სეტში სრული უპირატესობა მოიპოვა.
ბალტიისპირელმა მეორე სეტი 6:4-ზე დახურა, ხოლო მესამე პარტიაში ასევე ბრეიკით, 1:3 მარცხდებოდა, თუმცა გადამწყვეტ მომენტებში კვლავ მოუმატა და ისტორიულ გამარჯვებას მიაღწია - 4:6 6:4 6:3.
ოსტაპენკო გახდა პირველი ლატვიელი, რომელმაც "დიდი სლემის" ტურნირი მოიგო. "როლან გაროსის" ისტორიაში კი, ის პირველი განუთესავი ჩემპიონია.
ჰალეპმა ამ ტურნირის ფინალში მეორედ წააგო - 2014 წელს მარია შარაპოვასთან დამარცხდა.