ჟარდიმმა "მონაკოსთან" გაახანგრძლივა
საფრანგეთის ჩემპიონმა "მონაკომ" თავის თავკაც ლეონარდო ჟარდიმს ხელშეკრულება გაუხანგრძლივა.
ახალი კონტრაქტის თანახმად, პორტუგალიელი სპეციალისტი "ლუი II"-ზე 2020 წლის ზაფხულამდე დარჩება.
42 წლის მწვრთნელისთვის გასული სეზონი ძალიან წარმატებული გამოდგა. მან "მონეგასკებს" შიდა ჩემპიონატი მოაგებინა და "ჩემპიონთა ლიგის" 1/2 ფინალში გაიყვანა, თავად ლიგა 1-ის წლის საუკეთესო მწვრთნელად დასახელდა.
ჟარდიმი "მონაკოში" 2014 წელს მივიდა.