"გოლდენ სტეიტი" ბეჭდებისკენ სოლიდურად მიიწევს
ეროვნული საკალათბურთო ასოციაციის ფინალური სერიის მეორე მატჩიც "გოლდენ სტეიტ ვორიორზის" დამაჯერებელი გამარჯვებით აღინიშნა.
ოკლენდელებმა საკუთარ პარკეტზე "კლივლენდი" 21 ქულის სხვაობით 132:113 დაამარცხეს.
ბრწყინვალედ ითამაშეს კევინ დურანტმა და სტეფ კარიმ. პირველმა მათგანმა 33 ქულა, 15 მოხსნა და 6 ასისტი ჩაიწერა, ხოლო კარიმ საერთოდ სამმაგი დუბლი გაახერხა - 32 ქულა, 10 მოხსნა და 11 ასისტი.
ასევე სამმაგი დუბლი შეასრულა ლებრონ ჯეიმსმაც (29 ქულა, 11 მოხსნა და 14 ასისტი), თუმცა მისი კარგი თამაში სტუმრებს ბევრ არაფერში წაადგათ.
ზაზა ფაჩულიამ პარკეტზე 12:43 წუთი გაატარა - 2 ქულა და 2 მოხსნა.
"გოლდენ სტეიტი" სერიაში 2:0 დაწინაურდა. შემდეგი შეხვედრა კლივლენდში 8 ივნისს ჩატარდება.