„მანჩესტერ იუნაიტედი“ რაფაელ ვარანით დაინტერესდა
„მანჩესტერ იუნაიტედი“ მადრიდის „რეალის“ მცველით, რაფაელ ვარანით დაინტერესდა.
გავრცელებული ცნობით, მცველის შეძენა ჟოზე მოურინიოს სურს. პორტუგალიელი სპეციალისტი „რეალში“ ვარანს ორი სეზონის განმავლობაში წვრთნიდა.
ამასთან ერთად ცნობილია, რომ მოურინიო „იუნაიტედში“ დაცვის ხაზის გაძლიერებას სხვა ფეხბურთელებითაც აპირებს.
მანამდე კი 24 წლის ვარანი, 3 ივნისს, კარდიფში, "ჩემპიონთა ლიგის" ფინალს ითამაშებს, სადაც ევროპის ყველაზე პრესტიჟული ტურნირის მესამედ მოგებას შეეცდება.
