ზლატან იბრაჰიმოვიჩს „იუნაიტედში“ დარჩენა უნდა
ზლატან იბრაჰიმოვიჩს „მანჩესტერ იუნაიტედში“ დარჩენა სურს. ამის შესახებ 35 წლის ფეხბურთელის აგენტმა, მინო რაიოლამ განაცხადა.
რაიოლას თქმით, იბრაჰიმოვიჩი ზაფხულში კლუბის ხელმძღვანელობასთან მოლაპარაკებებს გამართავს და საკუთარ მომავალს განიხილავს.
შვედმა თავდამსხმელმა „წითელ ეშმაკებთან“ ერთად გატარებული პირველი სეზონის 46 შეხვედრაში 28 გოლი გაიტანა.
