სერია A-ს საუკეთესო ბომბარდირი ედინ ჯეკო გახდა
იტალიის სერია A-ს 2016-17 წლების სეზონის საუკეთესო ბომბარდირი, "რომას" ფორვარდი, ედინ ჯეკო გახდა.
31 წლის ბოსნიელმა, ჩემპიონატში 29 გოლი შეაგდო და "ნაპოლის" შემტევ დრის მერტენსს 1 გოლით აჯობა.
ჯეკომ სერია A-ში ასევე 9 საგოლე პასი შეასრულა.
შეგახსენებთ, რომ "რომას" თავდამსხმელი "ევროპა ლიგის" ბომბარდირიც გახდა, თუმცა იმ ტურნირზე მის მსგავსად 8 გოლი, "ზენიტის" შემტევმა ჯულიანომ გაიტანა.